निरज यादव
सर्लाही । सर्लाहीका बीसवटै स्थानीय तहको मतगणना स्थलमा सीसीटिभी क्यामेरा जडान गरिएको छ । निर्वाचन आयोगकले प्रत्यक्ष निगरानी गर्नसक्ने गरी सर्लाहीको बीसवटै निर्वाचन मतगणनास्थलमा क्यामेरा जडान गरिएको हो जिल्लाको मलंगवा, कविलासी, बलरा लगायत ११ ओटा नगरपालिकमा सिसी क्यामेरा जडान गरिएको छ । भने त्यस्तै जिल्लाको कौडेना,रामनगर,र धनकौल लगायत ९ ओटा गाउँपालिकाको मतगणना स्थलमा पनि क्यामेरा जडान भइसकेको मुख्य निर्वाचन अधिकृत ध्रुव कुमार पिया ले बताए।मतगणनालाई सुरक्षित बनाउन मतगणना स्थलमा क्यामेराबाहेक फलामको बार हाल्ने र सो सम्भव नभएको स्थानमा बाँसको बार भएपनि राख्ने निर्वाचन व्यवस्थापन समितिले जनाएको छ । मतगणनाका बेला कुनै पनि अप्रिय घटना नहोस् भन्ने हेतुले मजबुत सुरक्षा निगरानीमा मतगणना गरिने पियाको भनाइ छ ।देशभरका ७५३ वटै पालिकामा नयाँ नेतृत्व चयनका लागि शुक्रबार निर्वाचन हुँदैछ ।