निरज यादव/
सर्लाही-कौडेना गाउँपालिकाका प्रमुख सहित ३७ जना जनप्रतिनिधिले सामूहिक राजीनामा दिएका छन्। गाउँपालिकाका प्रमुख राम प्रसाद राय सहित वडा अध्यक्ष, कार्यपालिका सदस्य र वडा सदस्यहरु गरी ३७ जना जनप्रतिनिधिले राजीनामा दिएका हुन्।आसन्न निर्वाचनमा पुनः उम्मेदवारी दिने गरी गाउँपालिकाका प्रमुख रायले प्रमुख प्रशासकीय अधिकृत सम्भु प्रसाद यादवलाई राजीनामा बुझाएका छन्। उनीसँगै वडा नम्बर १ का वडा अध्यक्ष मनोज शाह , वडा नम्बर ३ का वडा अध्यक्ष प्रभु चौधरी, वडा नम्बर ६ का वडा अध्यक्ष किशोरी राय ,वडा नम्बर ७ का वडा अध्यक्ष विजय प्रसाद यादव , कार्यपालिका सदस्य कृष्णा देवी साह,वडा सदस्य पार्वती देवी राम लगायत ३७ जनाले राजीनामा दिएका छन्। ७ ओटा वडा रहेको कौडेना गाउँपालिकामा ३९जना जनप्रतिनिधि निर्वाचित भएका थिए। जसमध्ये उप- प्रमुख सुनिता चौधरी सहित १ जनाले राजीनामा दिएका छैनन्। आसन्न निर्वाचनमा आफु उमेदवारी नदिने भएको ले आफु उप-प्रमुख को पदबाट राजीनामा न दिएको बताए। लोसपा पार्टीकोतर्फबाट प्रमुखमा रायको नाम सिफारिस भएको छ भने राजीनामापछि गाउँपालिका प्रमुख रायले आफू चड्ने ना.१.झ .१६५५ नम्बरको सरकारी गाडी पनि फिर्ता गरेका छन्। गाडीको साँचो प्रमुख प्रशासकीय अधिकृत यादवलाई उनले बुझाएका छन्।