सर्लाहीको कौडेना गाउँपालिका वार्ड नं ३ का घर परिवारलाई ग्यास सिलिण्डर तथा चूल्हों वितरण गरिएको छ । सोमबार धुलो तथा धुवामुक्त अभियान अन्तर्गत कौडेना गाउँपालिका वार्ड नं 3 का वडा अध्यक्ष प्रभु चौधरीको अध्यक्षता तथा ग.पा.अध्यक्ष राम प्रसाद राय यादवको प्रमुख अतिथिमा सम्पन्न ग्यास सिलिण्डर , चुल्हो बितरण कार्यक्रममा वडा भरिका करिब ८०० घर परिवारलाई ग्यास सिलिण्डर तथा , चुल्हो बितरण गरिएको हो ।जनताको माग अनुसार वार्ड्बाट ४५ लाख बजेट बिनियोजन गरि वडा न. ३ का करिब ८०० घर परिवारलाई ग्यास सिलिण्डर , चुल्हो बितरण गरिएको वार्ड अध्यक्ष चौधरीले जानकारी दिए।परम्परागत तरिकाले दाउराले खाना पकाउँदा गृहिणीको स्वास्थमा प्रतिकुल असर पर्ने र समय समेत खेर जाने गरेकोमा अब भने ग्यास सिलिन्डर तथा चुल्हो पाएपछि सहज हुने कौडेना -३ का वडा अध्यक्ष प्रभु चौधरीले बताए।