निरज यादव
सर्लाहीको कौडेना गाउँपालिका वार्ड नं ६ का वडाध्यक्षले वडाका वासिन्दालाई खाना पकाउने प्रेसर कुकर वितरण सूरु गरेका छन् ।वडा नं. ६ का वडाध्यक्ष किशोरी रायले वडाका सबै परिवारलाई प्रति परिवार एक–एक थान पाँच लिटर क्षमताको प्रेसर कुकर वितरण सूरु गरेका हुन् । ‘अहिलेसम्म २०० वटा प्रेसर कुकर बाँडिसकेँ, अझै २०० वटा बाँड्दैछु’, वडाध्यक्ष रायले भने, ‘वडा भरीका सबै परिवारलाई सी.जी कम्पनीको ५ लिटरको प्रेसर कुकर दिने हो ।’ वार्ड्बाट १० लाख रुपैंया बजेट बिनियोजन गरि वडा न. ६ का लागी प्रेसर कुकर खरिद गरेर वितरण सूरु गरिएको वडाध्यक्ष रायले जानकारी दिए ।