सर्लाही,चैत १
सर्लाहीको विष्णु गाउँपालिका वडा नं. ३ मधुवनगाेठमा आगलागी हुँदा एक घर जलेर नष्ट हुनुका साथै करिब दुई लाख पचास हजार बराबरको क्षति भएको छ । स्थानीय मधुवनगोठ बस्ने रामकृत मण्डलको खपराले छाएको कच्ची घरमा खाना पकाउने ग्यास सिलिन्डर लिक भएर आगलागी भएको जिल्ला प्रहरी कार्यालय सर्लाहीले जनाएको छ । आगलागीले घरमा भएको अन्न लताकपडा गरगहना गरी करिव २ लाख ५० हजारको क्षति भएको प्रहरी प्रवक्ता माधव प्रसाद बुढाथोकीले जानकारी दिए । प्रहरी र स्थानियको सहयोगमा आगो नियन्त्रणमामा लिइएको हो । आगोले कुनै मानवीय चौपाया क्षति भने नभएको प्रहरीले जनाएको छ