निरज यादब/पालिका टुडे
चक्रघटा -चक्रघटा गाँउपालिकाको आयोजनामा होली बिशेष शुभकामना आदान प्रदान कार्यक्रम सम्पन्न भएको छ । सोमबार भएको कार्यक्रममा प्रमुख अतिथि चक्रघटा गाँउपालिका का अध्यक्ष विक्रम यादवले होली पर्वको आफ्नै सांस्कृतिक महत्व रहेको बताउदै होलीमा विकृति नभई एक आपसमा रङ्ग साटासाट गरेर सद्भाव बांड्दै मनाउनु पर्नेमा जोड दिनुभएको थियो ।कार्यक्रममा बोल्दै चक्रघटा गाँउपालिका का अध्यक्ष विक्रम यादवले होली पर्वको आफै मा सांस्कृतिक मुल्य र मान्यता रहेको ले यसको सरक्षण समेत गर्नु आजको आवस्यकता रहेको बताउनुभयो । होलीमा आपसी सद्भाव बांड्दै रङ्गहरुमा रमाउदै हर्ष उल्लासका साथ मनाउनु पर्नेमा यादवले जोड दिनुभएको थियो । यादवले चक्रघटा गाँउपालिकाले थालनी गरेको होलिमिलन कार्यक्रमको निरन्तरताको अपेक्षा समेत गर्नु भयो । गाउँपालिका का प्रशासकीय प्रमुख लालबाबु शाहले होली मिलन कार्यक्रम लाई सम्बोधन गर्दै होलीमा नसालु पदार्थ सेवन गरी होली न खेल्न समेत सुझाव सुझाए । उक्त कार्यक्रममा चक्रघटा गाँउपालिकाको अध्यक्ष विक्रम यादव , गाउँपालिका प्रशासकीय प्रमुख लालबाबु शाह , गाउँपालिका का सम्पूर्ण क्रमचारी , गाउँपालिका जनप्रतिनिधि,सुरक्षा निकाय का प्रतिनिधि लगायतले शुभकामना मन्तब्य ब्यक्त गर्नुभएको थियो । कार्यक्रम चक्रघटा गाँउपालिका अध्यक्ष विक्रम यादवको अध्यक्षता, तथा गाउँपालिका का प्रशासकीय प्रमुख लालबाबु शाह को उपस्थितिमा सम्पन्न भएको थियोे ।