निरज यादव/पालिका टुडे
सर्लाही-इन्धनको मूल्य भारतमा भन्दा नेपालमा सस्तो हुँदा सर्लाहीको ग्रामिण इलाकामा डिजल र पेट्रोलको तस्करी हुन थालेको छ । तस्करी बढेसँगै ग्रामिण क्षेत्रमा इन्धनको अभाव हुन थालेको छ ।नेपालमा प्रतिलिटर २०देखि २५ रुपैयाँसम्म सस्तोमा डिजल र पेट्रोल पाउने भएपछि सीमा क्षेत्रमा इन्धनको तस्करी बढेको हो । अहिले नेपालमा डिजल प्रतिलिटर १३३ रपैयाँ रहेको छ भने पेट्रोल १५०. रुपैयाँ रहेको छ । सीमावर्ती क्षेत्र भारतमा भने डिजल र पेट्रोल दुवैको मूल्यमा नेपालमा भन्दा प्रतिलिटर २०÷२५रुपैयाँ बढी रहेको स्थानीय बताउँछन् ।यता, स्थानीयहरुले भने तस्करहरुले प्रहरीसँग सेटिङ मिलाएर दैनिक ठूलो परिमाणमा डिजल र पेट्रोल भारततर्फ निकासी गर्ने गरेको बताएका छन् । तस्करी कै कारन इन्धनको अभाव हुन थालेपछि ग्रामिण क्षेत्रमा सञ्चालित सर्वाजनिक सवारीसाधानहरुले भाडा बढाएका छन् मलंगवादेखि ग्रामिण क्षेत्रमा सञ्चालित सवारी–साधानहरु अटो, टेम्पोहरुले दोब्बर बढी भाडा असुल्ने गरेको यात्रुहरुले गुनासो गरेका छन् । मलंगवा देखी कौडेना सम्म बसको भाडा ३५ रुपैयाँ रहेको छ । तर, अटोहरुले भने ६० रुपैयाँ लिने गरेको छ । यस्तै अटोमा कौडेना देखी धनकौल सम्मको भाडा ७० रुपैयाँ र बलरा सम्मको भाडा ९०रुपैयाँ रहेको छ अटो, टेम्पोहरुले मनलाग्दी भाडा असुल्दा पनि प्रहरी प्रशासन मौन बस्ने गरेका छन् । एकातिर चर्काे भाडा र अर्काेतिर क्षमता भन्दा बढी यात्रु बोक्दा दुर्घटनाको जोखिम समेत बढेको छ । ब्लुबुक, लाइसेन्स बिना नै सवारी चलाउने गरेको र दैनिकजसो दुर्घटना हुने गरेपनि प्रहरी टुलुटुलु हेरेर मात्र बस्ने गरेको स्थानीयले बताएका छन् ।जनताको जीवनमाथि नै खेलवाड गर्ने यस्ता सवारीसाधानहरुलाई कारवाही गर्नुको सट्टा प्रहरीले मोटो रकम असुलेर छाड्ने गरेको स्थानीयको आरोप छ ।प्रहरीको साथ र सहयोग विना तस्करी हुन नसक्ने भन्दै स्थानीयहरुले आक्रोश व्यक्त गर्न थालेका छन् ।