सर्लाही,१३ माघ।
सर्लाहीको चक्रघटा गाउँपालिकाम स्थायी बन्ध्याकरण घुम्ती शिविर उद्घाटन कार्यक्रम सम्पन्न भएको छ । स्वास्थ्य कार्यलय सर्लाहीको आयोजना तथा चक्रघटा गाउँपालिका अध्यक्ष विक्रम यादवको अध्यक्षतामा सुरु भएको कार्यक्रममा परिवार नियोजनका महत्त्वहरुको वारेमा चर्चा गरिएको थियो। आज देखि सुरु गरिएको स्थायी बन्ध्याकरण घुम्ती शिविर दुई दिन सम चलने आयोजकले जनाएको छ।स्थायी बन्ध्याकरण घुम्ती शिविरको उद्घाटन गाउँपालिका अध्यक्ष विक्रम यादवले गरेका थिए।

स्थायी बन्ध्याकरण घुम्ती शिविरमा स्थायी बन्ध्याकरण मात्र नभएर पाठेघर समस्या भएका महिलालाई पनि निशुल्क सेवा दिने स्वास्थ्य कार्यलयका परिवार नियोजन अधिकृत पशुपति यादवले बताउनुभयो ।

उद्घाटन कार्यक्रमलाई सम्बोधन हर्नुहुदै गाउँपालिका अध्यक्ष यादवले स्थायी बन्ध्याकरण घुम्ती शिविरमा महिला स्वयमसेविकाहरुको ठुलो योगदान भएको बताउनुभयो। सन्तानका रहर पूरा भएका महिला लाई स्वयंसेविकाले गाउँ गाउँ बाट जम्मा गरि बन्ध्याकरण घुम्ती शिविरमा ल्याएर उदाहरणीय कार्य गरेको बताउनुभयो ।
शिविर शुक्रवार सम्म चलने आयोजकले जनाएको छ ।
कार्यक्रममा चक्रघटा गाउँपालिकाका निमित प्रशासकीय अधिकृत लालबाबु प्रसाद साह,स्वास्थ्य कार्यलयका का प्रतिनिधि , एफ पानका प्रतिनिधि बालकृष्ण श्रेष्ठ ,चक्रघटा गाउँपालिकाका स्वास्थ्य शाखा प्रमुख रामबहादुर साहलगायत महिला स्वयमसेविकाहरुको उपस्थिति रहेको थियो।