निरज यादव/पालिका टुडे
२० पुष, सर्लाही
गोडैता नगरपालिकाले नगर पालिका भित्रको विभिन्न सार्वजनिक ठाउमा सर्व साधारणलाइ आगो तापनको लागि दाउराको व्यवस्था गरेको छ । केहि दिन देखि बढेको चिसोले नकारात्मक प्रभाव पार्न थाले पछि चिसो छल्नको निमित नगरप्रमुख देबेन्द्र कुमार यादव ले दाउराको व्यवस्थापन गरेको हो । मुख्य सडक ,चौक सरकारी कार्यालय , लगायतका ठाउमा आगो तापनको लागि जलावनको व्यस्था गरिएको नगर प्रमुख यादवले जानकारी दिएका छन् ।

गोडैतामा रहेको सरकारी कार्यालयमा काम गराउन बाहिरबाट आउने सेवाग्राहीलाइ न्यानो हुनको लागि ठाउ ठाउँमा दाउरा व्यवस्थापन गरे पछि सेवाग्राहीहरुलाई जाडो छल्न सहज भएको छ ।मोटर साइकल चलाउनेलाइ चिसोमा अप्ठयारो हुने भएकोले तिब्र रुपमा सवारी साधन नचलाउने तथा बृद्ध बृद्धा एवल बाल बालिकालाइ न्यानो लुगा लगाएर राख्न समेत देबेन्द्र कुमार यादव ले आग्रह गरेका छन् ।

बाल बालिका , बृद्ध बृद्धाहरुलाई चिसोमा बढी जोखिम रहेकोले सुरक्षित राख्नु पर्ने चिकित्सकहरुको सुझाव समेत रहेको छ । बर्षात पछि निरन्तर रुपमा चलि रहेको पछिया हावाको कारण बढेको चिसोले जनजीवन प्रभावित हुदै गएको छ ।