लिबाङ, रोल्पा
नेपाली कांग्रेस रोल्पाले मङ्सिर २९ गते सोमबार लिबाङमा विरोध प्रदर्शन गर्ने भएको छ । नेपाली कांग्रेस केन्द्रीय कार्यसमितिको देशैभरि सरकारविरुद्ध प्रदर्शन गर्ने निर्णय अनुसार रोल्पामा पनि कार्यक्रम आयोजना गरिएको हो । कम्युनिष्ट सरकारको विभेद, पक्षपात, सर्वसत्तावादी प्रवृति, दमनकारी व्यवहार, भ्रष्ट्चार वेथिति, कोभिड १९ को नियन्त्रण र उपचारमा देखाएको उदासिन्ता, अकर्मण्यताका कारण देश र जनतालाई भोगिरहेको सास्ती र पीडाको विरुद्ध वृहत प्रदर्शन गर्न लागिएको नेपाली कांग्रेस रोल्पाका सभापति एवम् पूर्वमन्त्री अमरसिंह पुनले जानकारी दिनु भएको छ ।
विरोध कार्यक्रममा सहभागि भई कार्यक्रमलाई सफल बनाईदिन हुन नेपाली कांग्रेस रोल्पाले सम्पूर्ण रोल्पा वासीमा अनुरोध समेत गरेको छ । गत मङ्सिर २१ गते तनहुँमा पार्टीका बरिष्ठ नेता रामचन्द्र पौडेललाई प्रहरीने विनाकारण नियन्त्रणमा लिए पश्चात आक्रोशित कांग्रेसले २९ गते देशव्यापी विरोध प्रदर्शन गर्न जुटेको छ ।