सर्लाही,११ कार्तिक–सर्लाही निर्वाचन क्षेत्र नं.३ (ख) बाट प्रदेश सभा सदस्यका स्वतन्त्र उमेदवार रहेका सरोज कुमार रायले मतदाता भेटाघाट कार्यक्रमलाई तिव्र बनाएका छन । प्रदेशसभा सदस्यका उमेदवार सरोज कुमार रायले शुक्रबार बरहथवा नगरपालिकको वडा नम्बर नं.१७ श्री पुरमा घरदौलो कार्यक्रम गर्दै मतदाताहरुसँग भेटघाट गरेका छन् ।भेटघाटको क्रममा मतदातामा आफु प्रतिदेखिएको उत्साह र समर्थनले आत्मबल बढएको उम्मेदवार रायले वताए । यस पालिको निर्वाचनमा यस क्षेत्रको मतदाता आफुलाई जिताएर इतिहास रच्न आतुर समेत रहेको रायको दावी छ । राय सर्लाहीको निर्वाचन क्षेत्र न-३ (ख) बाट स्वतन्त्र उमेदवारको रुपमा लालटेन छाप लिएर चुनावी मैदानमा उत्रिएका हुन्।उहाँ क्षेत्र न-३ मा मात्र नभई सर्लाहीको चारवटै क्षेत्रमा चिरपरिचित व्यक्ति हुनुहुन्छ । उहाँ विदेशमा जेल जीवन विताइरहेका र मृत्युदण्ड पाएका कैयौं नेपालीहरुको जीवन रक्षा गरी स्वदेश फर्काउन सफल हुनुभएको छ। भारतबाट समेत कैयौं नेपालीहरुको उद्धार गरिसक्नु भएको उहाँका निकटतम ब्यक्तिहरुले जनाएका छन् । सो क्षेत्रमा उहाँको प्रतिस्पर्धा नेपाली कांग्रेसका उमेदवार हरेश महतो र जनता समाजवादी पार्टीका उम्मेदवार संजय कुमार यादव बिच रहेको भएपनि रायको चर्चा महतो र यादवको भन्दा बढी रहेको छ । आम जनताहरुको बीच राजनीतिक दलहरु प्रतिको बितृष्णा बढदै गएको अवस्थामा समाजिक सेवामा आफ्नो जीवन अर्पण गरेका रायले स्वतन्त्र उम्मेदवारी दिए पछि सो क्षेत्रका जनताहरुमा अब केही हुन्छ कि भनेर आशा पलाएको उहाँ निकटका ब्यक्तिहरुले बताएका छन् ।समाजिक अभियान्ता समेत रहेका उमेदवार रायले परिर्वतन र रास्ट्र निर्माणको अभियानमा सहयोग गर्न लालटेन छापमा मतदान गर्न सबैमा अपिल समेत गरेका छन् ।