सर्लाही २३ साउन । सर्लाहीको कौडेना गाउँपालिकामा विष्णु भगवानको मन्दिर र सामुदायिक अस्पतालको शिलान्यास गरिएको छ ।नेपाली काङ्ग्रेसकि सहमहामन्त्री महालक्ष्मी उपाध्याय `डिना´ र गाउँपालिका अध्यक्ष रुपेश कुमार यादवले संयुक्त रुपमा कौडेना गाउँपालिका–२ इनरवास्थित मन्दिरको जग्गामा विष्णु भगवानको मन्दिर र सरकारी जग्गामा सामुदायिक अस्पतालको शिलान्यास गरेका हुन् ।फाल्गुन मसान्तसम्ममा संचालन हुनेगरी कौडेना गाउँपालिकाको बजेटबाट मन्दिरको जग्गामा २ करोड रुपैयाँको लागतमा विष्णु भगवानको मन्दिर र ६ करोडको लागतमा कोभिड अस्पताल नजिक सरकारी जग्गामा १० सैयाको सामुदायिक अस्पताल निर्माण हुनलागेको गापा अध्यक्ष यादवले जानकारी दिए ।गाउँपालिका अध्यक्ष यादवको अध्यक्षतामा आयोजित कार्यक्रमको प्रमुख अतिथि नेपाली काङ्ग्रेसकि सहमहामन्त्री महालक्ष्मी उपाध्याय `डिना´ र विशिष्ट अतिथि नेपाली काङ्ग्रेस सर्लाहीका नेता जंगिलाल राय यादव रहेका थिए भने सहमहामन्त्री डिना र गापा अध्यक्ष यादवले आ–आफ्नो धारणा राखेका थिए ।