निरज यादव/
सर्लाहीको कौडेना गाउँपालिका वडा न-३ स्थित पुरानो विद्यालय श्री जनता माध्यमिक विद्यालले कौडेना गाउँपालिका नवनिर्वाचित जनप्रतिनिधिहरुलाई बधाईको साथै सफल कार्यकालको शुभकामना दिंदै सम्मानित गरेको छ।विद्यालयको प्रांगणमा सोमवार आयोजित कार्यक्रमा विद्यालयका प्रधानाध्यापक नागेन्द्र प्रसाद यादवले स्थानीय तह निर्वाचन २०७९ मा कौडेना गाउँपालिकामा निर्वाचित भएका गाउँपालिका अध्यक्ष रुपेश कुमार(बब्लु),उपाध्यक्ष नगीना देवीसहित वडा न १ देखि वडा न-७ सम्मका सबै नवनिर्वाचित वडाध्यक्ष लगायतका जनप्रतिनिधिहरूलाई एक समारोहको आयोजना गरि सम्मान पत्र,दोसल्ला,अविर र माला लगायर बधाईका साथ सम्मानित गरेको हो। उक्त कार्यक्रमको प्रमुख आतिथ्यता ग्रहण गर्नुभएका गाउँपालिका अध्यक्ष रुपेश कुमार (बब्लु) ले कार्यक्रम मा बोल्दै शिक्षा क्षेत्रमा आफूले केही राम्रो गरेर देखाउन चाहेकोले सबै संग मिलेर शिक्षामा सुधार गर्न आफू तयार रहेको बताए साथै गाउँपालिका क्षेत्र भित्रका सबै सामुदायिक विधालयहरूको स्तरोन्नतिमा लगानी गर्ने तत्पर समेत रहेको बताउनु भएको छ ।कार्यक्रममा उपस्थित अतिथिहरुले तराई मधेशको शिक्षा क्षेत्रमा विकृति मौलाउदै गएको भन्दै चिन्ता व्यक्त गर्दै शैक्षिक विकृतिलाई क्रमश: न्यूनीकरण गर्दै जानु पर्नेमा जोड दिएका थिए।