सर्लाही — प्रतिनिधि सभा सदस्य निर्वाचन नजिकिँदै जाँदा सर्लाही क्षेत्र नं. ४ मा चुनावी गतिविधि थप चहलपहल बढेको छ। क्षेत्र नं. ४ का नेपाल कम्युनिस्ट पार्टी का उम्मेदवार डॉ. रजनीश राय ले घरदैलो अभियानलाई तीव्र पारेका छन्।रायले गाउँ–बस्तीमा पुगेर मतदातासँग प्रत्यक्ष भेटघाट गर्दै आफ्ना नीति, कार्यक्रम र आगामी योजना सार्वजनिक गरिरहेका छन्। घरदैलोका क्रममा उनले शिक्षा, स्वास्थ्य, रोजगारी, कृषि र आधारभूत पूर्वाधारलाई प्राथमिकता दिने प्रतिबद्धता व्यक्त गरेका छन्।“स्थानीय समस्या समाधानका लागि स्थानीयकै सहभागिता अनिवार्य छ,” मतदातासँगको संवादमा रायले भने,“जनताको विश्वास, माग र सुझावलाई नीतिगत निर्णयमा प्रत्यक्ष रूपमा समावेश गर्नेछु।”अभियानका क्रममा उनले युवा, महिला, किसान तथा व्यवसायीहरूसँग छुट्टाछुट्टै अन्तर्क्रिया गर्दै युवाका लागि सीपमूलक तालिम र रोजगारी सिर्जनाको व्यवस्था, किसानका लागि मल–बीउ तथा सिँचाइमा सुधार,र सबैलाई पहुँच हुनेगरी स्वास्थ्य सेवा विस्तार आफ्नो प्रमुख एजेन्डा भएको बताए।स्थानीयवासीले रायको सक्रियता, पहुँचयोग्य शैली र सरल व्यवहारको प्रशंसा गर्दै विकास, सुशासन र पारदर्शिताबारे स्पष्ट योजना निरन्तर प्रस्तुत गर्न आग्रह गरेका छन्।रायका अनुसार घरदैलो अभियान सर्लाही क्षेत्र नं. ४ का सबै वडामा निरन्तर रूपले सञ्चालन हुँदै जानेछ र निर्वाचनपछि पनि जनतासँग संवाद कायमै राखिनेछ।