बसबरिया -सर्लाही जिल्लाको बसबरिया गाउँपालिकामा पहिलो पटक लेखा अधिकृतको रुपमा श्याम प्रसाद यादवले कार्यभार सम्हालेका छन्। बुधबार गाउँपालिका अध्यक्ष रामसिहासन राय र उपाध्यक्ष सरिता कुमारी साहको विशेष उपस्थितिमा यादवले औपचारिक रूपमा लेखा प्रमुखको जिम्मेवारी ग्रहण गरेका हुन्। यसअघि लेखापालको भरमा सञ्चालन हुँदै आएको गाउँपालिकामा अब लेखा प्रशासन थप व्यवस्थित र पारदर्शी हुने अपेक्षा गरिएको छ। श्याम प्रसाद यादव सर्लाहीकै ईश्वरपुर नगरपालिकाबाट सरुवा भई बसबरिया आएका हुन्। लामो समयदेखि वित्तीय प्रशासनमा अनुभव सँगालेका यादवको आगमनसँगै गाउँपालिकामा वित्तीय प्रणाली सुदृढ हुने स्थानीयको विश्वास छ। यादवलाई स्वागत गर्न वडाध्यक्षहरू, विभिन्न शाखा प्रमुख तथा कर्मचारीहरू समेत उपस्थित थिए।