सर्लाही-बसबरिया गाउँपालिका ३ बंगलवामा सोमवार भएको आगलागीका पीडितहरूलाई गाउँपालिकाले राहत वितरण गरेको छ । पीडितलाई तत्काल आवश्यक पर्ने राहत र उद्धारका लागि गाउँपालिकाले राहत उपलब्ध गराएको हो । आगलागीबाट पीडित परिवारलाई राहत उपलब्ध गराएको गाउँपालिका अध्यक्ष रामसिंहासन रायले जानकारी दिए । गाउँपालिकाले पीडितहरूलाई एघार हजार रुपैयाँ नगद, २५ केजी चामल, ५ केजी दाल, दुई केजी नुन, ७५० ग्राम मसला, खाने तेल १ लिटर,चाउचाउ,प्याज २ केजी, आलु ५ केजी, चिनी २ केजी र त्रिपाल एक थान उपलब्ध गराएको हो । सोमबार पीडितहरूलाई गाउँमै पुगेर गाउँपालिका अध्यक्ष रामसिंहासन राय,वडा नं.१ का अध्यक्ष शिवेन्द्र मोहन यादव,कार्य पालिका सदस्य प्रदीप यादव,प्रमुख प्रशासकीय अधिकृत चुनचुन प्रसाद यादब लगायतले राहत वितरण गरे । सोमवार बिहान स्थानीय रामविश्वास माझीको घरबाट सल्केको आगोले अचानक सुरु भएको आगलागी ले बबंगलवा वार्ड नंबर ३ का ५ जनाको घर पूर्णरुपमा जलेर खरानी भएको थियो । आगलागीले विन्देश्वर माझी, नारायण माझी,दिनेश माझी,जोकु माझी र नरेश राय को घर गोठ जलेर नष्ट भएका थिए । आग लागी बाट पाँच लाख रुपैयाँ बराबरको धनमाल जलेर नष्ट भएको प्रहरीले जनाएको छ ।