बसवरीया,सर्लाही-बसवरीया गाउँपालिकाको आयोजनामा पालिका स्तरीय राष्ट्रपति रनिङ शिल्ड प्रतियोगिता सुरु भएको छ। बसवरीया –४ धनगाढा स्थित पंचायत आदर्श मा.वि.को खेलमैदानमा बुधवार देखि प्रतियोगिता सुरु भएको हो।प्रतियोगिताको उद्घाटन बसवरीया गाउँपालिकाको गा.पा. अध्यक्ष राम सिंहासन राय ले गरे। प्रतियोगिताको उद्घाटन समारोहलाई सम्बोधन गर्दै रायले शारीरिक र मानसिक स्वास्थ्यका लागि खेलकुद अपरिहार्य भएको बताए । प्रतियोगिता जितेर आउने विद्यार्थीलाई गाउँपालिकाले पुरस्कृत गर्ने उनले घोषणा गरे । कार्यक्रममा बसवरीया गाउँपालिकाको प्रमुख प्रशासकीय अधिकृत चुनचुन प्रसाद यादवले गाउँपालिका का माध्यमिक स्तरका विद्यार्थीहरुले प्रतियोगितामा प्रतिस्पर्धा गर्ने बताए। उनले दुई दिनसम्म सञ्चालन हुने प्रतियोगिताका उत्कृष्ट खेलाडीले पालिकास्तरीय प्रतियोगितामा भाग लिने बताए । प्रतियोगितामा भलिबल, कबड्डी, दौड, हाइजम्प लङजम्पलगायतका खेल समावेश गरिएको छ । प्रतियोगितामा गाउँपालिकाभित्रका ५ विद्यालयका करिब २० ओटा विद्यार्थीले प्रतिस्पर्धा गर्नेछन् ।