सरकारले सामुदायिक विद्यालयको शिक्षक तथा कर्मचारीको दरबन्दी मिलानका साथै सरुवा व्यवस्थापनको अधिकार प्रस्ताव गरिएको छ । स्थानीय सरकार सञ्चालन ऐन–२०७४ मै यस्तो व्यवस्था गर्न संशोधनका लागि बनेको विधेयकको मस्यौदामा यस्तो प्रस्ताव गरिएको हो ।प्रस्तावित विधेयकमा स्थानीय तहलाई हाल ऐनले आधारभूत शिक्षासम्बद्ध अधिकार मात्रै अधिकार तोकेकोमा अब आधारभूत र माध्यमिक तह उल्लेख गरेर अधिकार दिन प्रस्ताव गरिएको छ ।स्थानीय सरकार सञ्चालन ऐन, २०७४ मा सामुदायिक विद्यालयको शिक्षक तथा कर्मचारीको दरबन्दी मिलानको मात्रै व्यवस्था थियो । प्रस्तावित मस्यौदामा कार्यक्षेत्रलाई थप गर्दै स्पष्ट गर्न प्रस्ताव गरिएको छ ।