कौडेना – लगातारको वर्षाले जलस्तर बढेसँगै लखनदेही खोलाले तटबन्ध कटान गरेर सर्लाहीको कौडेना गाउँपालिका-७ शिवनगर मुस्लिम वस्तीमा बाढी पस्न थालेपछी सिंगो बस्ती नै डुवानमा पर्ने खतरा देखिएको छ ।कौडेना गाउँपालिकाका अध्यक्ष रुपेश कुमार यादवले लगभग एक सय घरधुरी रहेको उक्त बस्तीको छेउछाउका घरको आंगनमा पानी पसिसकेको र अझै थप वर्षा भए सिंगो गाउँ नै डुवानमा पर्ने खतरा रहेको बताए ।अध्यक्ष यादवका अनुसार लगभग ५० मिटर जति तटबन्ध भत्किएको छ । पानीको सतह कम नहुदासम्म तटबन्धलाई बाध्ने काम हुन नसक्ने बताए ।