कौडेना : कौडेना गाउँपालिकामा गर्भवती र सुत्केरी महिलाहरुलाई पोषण सामाग्री वितरण गरिएका छन् । गाउँपालिकाको वडा नम्वर १ देखी ७ सम्मका ४५०(घरधुरी) गर्भवती र सुत्केरी महिलाहरुलाई पोषण सामाग्री वितरण गरिएको हो। गर्भवती तथा सुत्केरी अवस्थामा साविक भन्दा बढी पोषिलो खाना र सरसफाइमा बढी ध्यान दिनुपर्ने हुन्छ। पोषिलो खाना र सरसफाइमा गर्भवती तथा सुत्केरी महिला तथा घर परिवारका महिलाहरुको ध्यान पुगोस भनेर पोषण सामाग्री वितरण गरिएको गा.पा प्रमुख रुपेश कुमारले बताए। वडाभित्र रहेका गर्भवती र २ वर्षभित्रका सुत्केरी महिलाहरुका लागि चना, रातो भटमास, सतुवा, आयोडिन नुन, पतंजलि को पौष्टिक अहार लगायतका पोषण सामाग्री वितरण गरिएको वार्ड नम्बर का ७ का वार्ड अध्यक्ष विजय प्रसाद यादवले बताएका छन् । गर्भावस्थादेखि बच्चा २ वर्षको हुने समय सम्मको लागि सुनौला हजार दिन भनिन्छ। हजार दिनका महिलाहरुलाई अन्य समय भन्दा बढी मात्रामा पोषिलो खाना खानुपर्ने गाउँपालिका का स्वास्थ्य शाखा प्रमुख सुरेश यादवले बताए। गर्भवती जाँच गरी शुन्य होम डेलिभरी गाउँपालिका बनाउन तथा स्वास्थ्य समाजको निर्माण गर्न यस्ता खाले कार्यक्रमले सहयोग गर्ने स्वास्थ्य शाखा प्रमुख सुरेश यादवको भनाई छ। बुधवार एक कार्यक्रमको आयोजना गरी हजार दिनका महिलाहरुका चना, रातो भटमास, सतुवा, आयोडिन नुन,पतंजलि को पौष्टिक अहार लगायतका पोषण तथा स्वास्थ्य सामाग्री वितरण गरिएको हो।