सर्लाही, जेठ १० । ईलाका प्रहरी कार्यालय लालबन्दीले २ सय ३७ किलो ६०० ग्राम लागुऔषध गाजासहित ६ जनालाई पक्राउ गरेको छ।लालबन्दी नगरपालिका १३ पथरकोट स्थित कान्छा मान थिङको घरतलासी गर्दा उक्त घर कोठामा प्लाष्टिकको बोरा तथा प्लाष्टिकले बेरिएको अबस्थामा ४६ वटा पोकामा लुकाई छिपाई राखेको लागू औषध गाजा बरामद भएको हो ।ईलाका प्रहारी कार्यालय लालवन्दी प्रहरी निरीक्षक शान्ताराम कार्कीको कमान्डमा गएको प्रहरी टोलीले लागू औषध गाजा ओसारपसारमा संलगन ६ जनालाई पक्राउ समेत गरिएको जिल्ला प्रहरी कार्यालय सर्लाहीले जनाएको छ । घरको कोठा भित्र ४६ ओटा पोका बनाएर राखिएको अवस्थामा गाजा फेला पर्नुको साथै ओसारपसारको लागि प्रयोग गर्ने गरेको २ थान मोटरसाइकल समेत बरामद गरिएको प्रहरीले जनाएको छ ।लालबन्दी नगरपालिका वार्ड,१३ कान्छा मान थिङ,सुनिल दोङ,बिसाल दोङ,मिलन थिङ , निकेस दोङ र लालबन्दी १४ का राजन बम्जन रहेका छन् । उनीहरुमाथि अदालतबाट लागु औषध नियन्त्रण ऐन अन्तर्गत मयाद थप गरी अनुसन्धान प्रक्रिया अगाडी बढाइएको सर्लाहीका प्रहरी प्रवक्ता एवं डिएसपी माधव प्रसाद बुढाथोकीले जानकारी दिनुभयो ।