सर्लाही,१५ फागुन । सर्लाहीको बसबरियामा गाउँपालिका स्तरीय राष्ट्रपति रनिङ शिल्ड खेलकुद प्रतियोगिताको विजेता छात्र तथा छात्राहरूलाई शिल्ड, मेडल तथा प्रमाणपत्र वितरण गरीएको छ ।शिल्ड, मेडल तथा प्रमाणपत्र गाउँपालिका अध्यक्ष रामसिंहासन राय तथा वडा अध्यक्षहरुले वितरण गर्नुभयो ।बसबरिया गाउँपालिका शिक्षा खेलकुद तथा युवा शाखाको आयोजनामा फागुन ९ र १० गते तेस्रो राष्ट्रपति रनिङ शिल्ड खेलकुद प्रतियोगिता भएको थियो । प्रतियोगितामा पब्लिक मावि सहोडवा,त्रिभुवन माध्यमिक विधालय,जन्ता माध्यमिक विधालय ,पञ्चायत आदर्श माध्यमिक विधालय गरी ५ वटा माध्यमिक विधालयहरुले भाग लिएका थिए ।प्रतियोगिता १० गते नै सम्पन्न भए पनि ५ वटै माविका छात्रछात्रालाई पुरस्कार भने आज वितरण भएको गाउँपालिकाले जनाएको छ ।भलिबल, कवडी, ज्याबलिंग थ्रो, सटपुट, १ सय मिटरको दौड लगायतका खेल भएको प्रमुख प्रशासकीय अधिकृत चुनचुन प्रसाद यादवले जानकारी दिनुभयो ।कार्यक्रमका प्रमुख अतिथि तथा बसबरिया गाउँपालिका अध्यक्ष रामसिंहासन रायले शिक्षा विकासले मात्र समाजमा बिधमान विभिन्न समस्या अन्त्य हुने बताउनुभयो । बसबरियामा आफुले विकास गर्न खोजदा केही व्यक्ति बिबाद गर्न खोजेको उहाले बताउनुभयो ।प्रमुख प्रशासकीय अधिकृत चुनचुन प्रसाद यादवले शिक्षा, स्वास्थ्य क्षेत्रमा लगानी गर्न आफुहरु तयार भए पनि अनुकुल वातावरण नभएको बताउनुभयो ।बसबरियामा शिक्षा क्षेत्र सुधार गर्न आ-आफ्नै ठाउमा सबै इमानदार हुनुपर्ने अधिकृत यादवले बताउनुभयो ।कार्यक्रममा विभिन्न वडाका वडा अध्यक्ष,शिक्षा शाखा प्रमुख,विभिन्न विधालयका शिक्षक तथा विधार्थीहरुको उपस्थिति रहेको थियो ।