सर्लाही जिल्लाको कौड़ेना गाँउपालिकामा राष्ट्रिय खोप कार्यक्रम अन्तर्गत “एच.भी.पी खोप अभियान २०८१” सम्बन्धी स्थानीय तह स्तरीय खोप समन्वय समिति अभिमुखीकरण कार्यक्रम सम्पन्न भएको छ। कार्यक्रमको अध्यक्षता उपाध्यक्ष
नगिना देवीले गरेकी थिइन् भने प्रमुख अतिथि प्रमुख प्रशासकीय अधिकृत डा. सिनेलाल साह रहेका थिए। कार्यक्रमको प्रशिक्षकका रूपमा डा. राजीव शर्मा (विश्व स्वास्थ्य संगठन – WHO) र पोषण अधिकृत सुशील झाले प्रशिक्षण प्रदान गरे। स्वास्थ्य शाखा प्रमुख राम बिस्वास राय यादवको उपस्थिति रहेको कार्यक्रममा स्वास्थ्य संस्थाका प्रमुखहरू सरोकारवालाहरू, वडा अध्यक्ष लग्यात पत्रकारहरूको सहभागिता रहेको थियो। कार्यक्रममा एच.भी.पी खोप अभियानको महत्त्व,खोप व्यवस्थापन, सुरक्षित खोप वितरण प्रणाली,र लक्षित समूहसम्म प्रभावकारी रूपमा खोपको पहुँच विस्तार गर्न आवश्यक उपायहरूबारे विस्तृत छलफल गरियो। प्रशिक्षकहरूले खोपको सही प्रक्रिया,चुनौतीहरूको समाधान,र जनचेतना अभिवृद्धिका लागि अपनाउनुपर्ने रणनीतिहरूबारे सहभागीहरूलाई जानकारी गराएका थिए। कार्यक्रम सञ्चालन बीरेन्द्र राय (वरिष्ठ सहायक स्वास्थ्यकर्मी – Sr.A.H.W) ले गरेका थिए र कार्यक्रममा सहभागीहरूसँग सक्रिय संवाद गराउँदै कार्यक्रमलाई थप प्रभावकारी बनाएका थिए।