सर्लाही-रामनगर गाऊँपालिका को बाढी प्रभावित क्षेत्र धुर्व का २०० भन्दा बढी परिवारलाई राहत वितरण गरिएको छ। गाउँपालिका अध्यक्ष राजाबाबु यादवको नेतृत्वमा गरिएको राहत वितरण कार्यक्रममा प्रत्येक पीडित परिवारलाई आवश्यक खाद्य सामग्री प्रदान गरिएको हो। वितरण गरिएको राहतमा २५ किलो चामल,३ किलो दाल, १ किलो खानेतेल,२ किलो आलु,१ किलो नुन,१ किलो प्याज,५०० ग्राम सुक्खा तरकारी,र एक थान त्रिपाल समावेश रहेको छ।बाढीका कारण घरबार विहीन भएका परिवारहरूले राहत पाउँदा केही समयको लागि खाद्य संकट टरेको जनाएका छन्। राहत वितरण कार्यक्रममा अध्यक्ष यादवले पीडितहरूको अवस्था निकै गम्भीर भएको र गाउँपालिकाले सकेसम्म अझै आवश्यक सहयोग पुर्‍याउन प्रयास गरिरहेको बताए। उनले थप सहयोगका लागि प्रदेश र संघीय सरकारसँग अनुरोध गरिएको जानकारी दिए।यस राहत कार्यले प्रभावित परिवारलाई तत्कालको जीवनयापनमा सहयोग पुर्‍याएको छ भने पुनर्निर्माणको लागि थप सहयोगको अपेक्षा गरिएको छ।