सर्लाही-सर्लाहीको विष्णु गाउँपालिका १ बारा उद्योरणमा बिहिवार भएको आगलागीका पीडितहरूलाई रामनगर गाउँपालिकाले राहत वितरण गरेको छ । पीडितलाई तत्काल आवश्यक पर्ने राहत र उद्धारका लागि रामनगर गाउँपालिकाले राहत उपलब्ध गराएको हो । आगलागीबाट पीडित परिवारलाई राहत उपलब्ध गराएको गाउँपालिका अध्यक्ष राजाबाबु यादवले जानकारी दिए । गाउँपालिकाले पीडितहरूलाई ७५ थान त्रिपाल ,६ बोरा चुरा,२ बोरा दालबुट उपलब्ध गराएको हो । बिहिबार पीडितहरूलाई गाउँमै पुगेर गाउँपालिका अध्यक्ष राजा बाबु यादव ,संविधान सभा सदस्य शिव पुजन राय यादव लगायतले राहत वितरण गरे । बिहिवार दिउँसाे शत्रुधन राउतकाे घर बाट सल्केको आगोले अचानक सुरु भएको आगलागी ले विष्णु गाउँपालिका १ बारा उद्योरण का ७१ वटा घर पूर्णरुपमा र ४ वटा घर आंशिक रुपमा गरी ७५ वटा घर जलेर खरानी भएको थियो । आग लागी बाट लाखौ लाख रुपैयाँ बराबरको धनमाल जलेर नष्ट भएको प्रहरीले जनाएको छ ।