सर्लाही- सर्लाहीको गोडैता नगरपालिकामा दादुरा–रुबेला खोप अभियान २०८०–८१ सम्बन्धी अभिमुखीकरण कार्यक्रम सम्पन्न भएको छ । गोडैता नगरपालिका स्वास्थ्य शाखाको आयोजनामा आइतवार नगरपालिकाको सभाकक्षमा भएको एकदिने अभिमुखीकरण कार्यक्रममा स्वास्थ्य प्रमुख शाहबुदिन मिकरानीले दादुरा–रुबेला खोप अभियानबारे जाकारी गराएका थिए ।दादुर–रुबेला खोप ९ महिनादेखि १५ वर्ष मुनिका बालबालिकाहरुलाई खोप लगाउने गरिन्छ । उनले जुन बालबालिकाहरु ९ महिनादेखि ५ वर्ष मुनिका बालबालिकाहरु डि. पि. टी, बि. सि. जी र पि. सि. भि खोप लिन छुटेका बालबालिकाहरुलाई दिन मिल्ने उनले बताए ।उनले दादुरा–रुबेला खोप गोडैता नगरपालिका भरी फागुन १३ गतेदेखि ९ दिनसम्म खोप चल्ने जानकारी गराएका छन् । अभिमूखकरण कार्यक्रम नगर प्रमुख देबेन्द्र कुमार यादव को अध्यक्षतामा सम्पन्न भएको हो ।एकदिने अभिमुखीकरण कार्यक्रममा सम्पूर्ण वार्डका वार्ड अध्यक्ष,कार्यपालिका सदस्य, विभिन्न शाखाका कर्मचारीसहित सञ्चारकर्मीहरुको सहभागिता रहेको थियो ।