सर्लाही : सर्लाहीकाे दक्षनी भेगका स्थानियको घरघरमा शौचालय छ तर प्रयोग गर्ने थाेरै भेटिन्छन् । स्थानिय सरकारले खुल्ला दिसा मुक्त क्षेत्र घोषणालाई सार्थकता दिँदै हरेक घरमा शौचालय निर्माण गरिदिएपनि दक्षनी भेगका स्थानियले शौचालयको उचित प्रयोग नगरेको पाईएको हो ।घरघरमा शौचालय भएतापनि खुल्ला सडक तथा खेतबारीमा शौच गर्ने गरेको पाइएको हो । खुल्ला रुपमा गरिने शौचालयले एकातिर वातावरण प्रदुषण बढिरहेको छ भने अर्कातिर विभिन्न किसिमको सरुवा रोगहरु फैलिरहेको छ । पछिल्लो समय अस्पतालमा झाडापखाला, आउँ तथा हैजाका विरामिहरु बढिरहेको प्रदेशिक अस्पताल सर्लाहीले जनाएको छ । जसको प्रमुख कारण खुला रुपमा दिसापिसाब गर्नु र दुषित पानीको सेवन रहेको अस्पतालका डा नवल किशोर झा ले बताउनुभयो ।दक्षनी भेगका स्थानिय मध्ये बालबालिकाले शौचालयको प्रयोग गर्ने गरेको भेटिएपनि अधिकांस बृद्धहरुले अझै पनि खुल्ला रुपमा सौच गर्ने गरेको स्थानिय कमल सिंह चौधरीले बताउनुभयो ।