निरज यादव/
चक्रघटा-निर्वाचन आचारसंहिता लागू भइसकेपछि स्थानिय चुनाव २०७९ बैशाख ३० को लागी गाउँपालिका प्रमुख पदको लागी पुनः तयारी गरिरहनुभएका चक्रघटा गाउँपालिका प्रमुख विक्रम यादवले शुक्रबार गाउँपालिका कार्यालयमा पुगेर निर्वाचन अधिकृत भीमबहादुर नीरौला लाई आफु चढने सरकारि गाडी सहित राजिनामा पत्र पेश गर्नु भएको छ । उम्मेद्वारी दर्ता गर्नुभन्दा पहिले पदबाट राजीनामा दिनुपर्ने कानुनी प्रावधान भएका कारणले आफूले राजीनामा दिएको यादवले बताए। स्थानिय तह २०७४ निर्माण पछि चक्रघटा गाउँपालिकाको पहिलो गाउँपालिका प्रमुख पदमा नेकापा माओवादी केन्द्र बाट निर्वाचित हुनुभएका गाउँपालिका प्रमुख विक्रम यादवले आफनो कार्यकाल बिना बिवादित ५ बर्ष बिताएर निर्वाचन अधिकृत भीमबहादुर नीरौला लाई राजिनामा पत्रका साथ साथै गाडीको साचो समेत बुझाएको प्रमुख प्रशासकिय अधिकृत लालबाबु प्रसाद साहले बताउनु भयो ।गाउँपालिका प्रमुख यादबको साथ साथै बिभिन्न वडाको वडाध्यक्षहरु,वडा सदस्य,कार्यपालिका सदस्य सहितको टोलीले राजिनामा पत्र बुझाएको चक्रघटा गाउँपालिका का निर्वाचन अधिकृत भीमबहादुर नीरौलाले बताउनु भयो ।