सर्लाही | जिल्लामा मंगलवार कौडेना र बरहथवामा भएको आगलागीबाट करिव अढाई लाख बराबरको क्षति भएको छ ।दिउँसो साँडे १:३० बजेतिर बरहथवा नगरपालिकाको वडा नम्बर १ नयाँ बजार बस्ने बिन्देश्वर महतोको १ तले टालिको छाना भएको काठको घरमा आगो लाग्दा करिव १ लाख बराबरको क्षति भएको छ । आगलागीबाट घरभित्र भएका लत्ता कपडा, ३ थान काठको पलङ लगाएतका सामाग्री जलेर नस्ट भएको जिल्ला प्रहरी कार्यालय सर्लाहीले जनाएको छ ।त्यस्तै कौडेना गाँउपालिका ७ शिवनगरमा मो.अहियाको फुसको घर र परालको टौवा जल्दा करिव डेढ लाखको क्षति भएको छ । दिउँसो साँडे ३ बजे परालको टौवामा सल्किएको आगोले फुसको घरभित्र रहेका काठको फर्निचर र घर सहित जलेर नस्ट भएको छ । उक्त दुबै घट्नामा मानविय तथा चौपायाको क्षति भने नभएको जिल्ला प्रहरी कार्यालय मलंगवाका प्रवक्ता एवं डिएसपी माधव प्रसाद बुडाथोकीले जानकारी दिनुभयो ।