सर्लाही :सर्लाहीको कौडेना गाँउपालिकामा नयाँ प्रमुख प्रशासकीय अधिकृतको रुपमा कृष्णदेव राय आएका छन् । उनले शुक्रबार एक संक्षिप्त कार्यक्रमका बीच गाँउपालिकामा प्रमुख प्रशासकीय अधिकृतको पदभार ग्रहण गरे ।पदभार ग्रहणको क्रममा पत्रकारहरुलाई संक्षिप्त प्रतिक्रिया दिँदै कार्यालय प्रमुख रायले सर्वसाधारणले पाउने सेवा र सुविधालाई पारदर्शी ढंगले सहजताका साथ प्रदान गर्ने प्रतिबद्धता ब्यक्त गरे । आम नागरिकको सेवा प्रवाहमा कुनै झन्झट र समस्या आउन नदिने गरी आफूले काम गर्ने उल्लेख गर्दै प्रशासकीय अधिकृत रायले सबै पक्षलाई एक ढिक्का बनाएर गाँउपालिकाको विकासमा अगाडि बढ्ने बताए ।आफू गाँउपालिकालाई सुखी,समृद्ध र विकसित पालिका बनाउने उद्देश्यका साथ नै कार्यालय प्रमुखको जिम्मेवारी सम्हालन आएको बताउँदै उनले जनप्रतिनिधिहरुलाई सहयोग समेत गर्न आग्रह गरे ।