सर्लाही :सर्लाहीको गोडैता नगरपालिकामा नयाँ प्रमुख प्रशासकीय अधिकृतको रुपमा उपसचिव शम्भु प्रसाद यादव आएका छन् । उनले सोमबार एक संक्षिप्त कार्यक्रमका बीच नगरपालिकामा प्रमुख प्रशासकीय अधिकृतको पदभार ग्रहण गरे ।पदभार ग्रहणको क्रममा पत्रकारहरुलाई संक्षिप्त प्रतिक्रिया दिँदै कार्यालय प्रमुख यादवले सर्वसाधारणले पाउने सेवा र सुविधालाई पारदर्शी ढंगले सहजताका साथ प्रदान गर्ने प्रतिबद्धता ब्यक्त गरे । आम नागरिकको सेवा प्रवाहमा कुनै झन्झट र समस्या आउन नदिने गरी आफूले काम गर्ने उल्लेख गर्दै प्रशासकीय अधिकृत यादवले सबै पक्षलाई एक ढिक्का बनाएर नगरपालिकाको विकासमा अगाडि बढ्ने बताए ।आफू नगरपालिकालाई सुखी, समृद्ध र विकसित नगर बनाउने उद्देश्यका साथ नै कार्यालय प्रमुखको जिम्मेवारी सम्हालन आएको बताउँदै उनले जनप्रतिनिधिहरुलाई सहयोग गर्न आग्रह गरे ।